trusted online casino malaysia
Björn Valur Gíslason 01/05/2014

Blokkin í Grindavík

Vísir hf. í Grindavík lenti í fjárhagserfiðleikum vegna fjárfestinga í útlöndum. Vísir hf. er nokkuð stór útgerð með fjölda skipa í rekstri, dágóðar aflaheimildir og fjölda starfsfólks.

Öllu þessu offraði fyrirtækið með fjárfestingu sinni í útlöndum. Nú er komið að gjalddaga og reikningurinn er sendur norður til Húsavíkur, austur á Djúpavog og vestur á Þingeyri.

Nú býður Vísir hf. starfsfólki sínu upp á skoðunarferðir í blokkina í Grindavík. Stjórnvöld yppta öxlum og láta sem um náttúrulögmál sé að ræða sem þau ráði ekki við.

Forsætisráðherrann pirrast yfir umræðuefninu sem er langt utan hans áhugasviðs og hann kann engin svör við. Hann gæti kannski leitað ráða hjá flokksbróður sínum og jafnvel spurt hann hvert eigi að trilla fólkinu næst ef fyrirtækinu hans verður ekki bjargað?

Sem margir efast um að verði.

Latest posts by Björn Valur Gíslason (see all)
Flokkun : Pistlar
1,476