Björn Ingi rífressaður

Ég sá í gærkvöldi þegar ég vaknaði til vinnu að Björn Ingi Hrafnsson hafði birt þriggja ára gamla frétt á Eyjunni. Ég hélt fyrst að tölvan væri eitthvað að stríða mér og rífressaði. En allt kom fyrir ekki neitt eins og sagt er. Fréttin stóð þarna áfram jafn traustum fótum og gufa úr tekatli. Hún var um að vinstristjórnin hefði verið andsnúin flatri niðurfellingu skulda í anda tillagna framsóknarmanna. Sem er rétt. Enda hafa enn ekki fundist nein haldbær rök fyrir því að gera slíkt.
Þess í stað valdi vinstristjórnin að beita félagslegum úrræðum sem miðuðust við að létta á vanda þeirra sem mest þurftu á því að halda. Það tókst betur en á horfðist og betur en margir spáðu, þ.m.t. formenn hægriflokkanna sem nú stjórna landinu. Þeirra markhópur er hins vegar annar. Sem er heldur ekki ný frétt og Björn Ingi Hrafnsson (til hægri á myndinni) á kannski eftir að birta síðar.
Maður rífressar bara á meðan.