Bjarni er búinn að vera

Bjarni Benediktsson náði að snúa sjálfstæðisflokknum úr frjálsu falli á síðustu metrunum fyrir kosningarnar vorið 2013. Þrátt fyrir það hlaut sjálfstæðisflokkurinn þá næst verstu kosningu frá stofnun flokksins. Margir töldu að Bjarni myndi í kjölfarið ná að vinna frekar úr þeirri stöðu en það er öðru nær. Sjálfstæðisflokkurinn er nú við það að klofna vegna framgöngu Bjarna í mikilvægum málum.

Stuð í stuð gengur Bjarni fram fyrir skjöldu og ver stefnu og kosningaloforð framsóknarflokksins og lætur sjálfstæðisflokkinn hiklaust taka þyngstu högginn af afleiðingum axarskafta ráðherra framsóknarflokksins. ESB klúðrið, millifærslan, markíldeilan – öll stærstu deilumálin eru á ábyrgð framsóknar en varin af fullri hörku af forystu sjálfstæðisflokknum. Það virðist ekkert mál vera svo galið af hálfu framsóknar að Bjarni sé ekki reiðubúinn að taka slaginn fyrir þá og fórna sjálfstæðisflokknum.

Hvers vegna veit enginn.

Yfirvofandi klofningur sjálfstæðisflokksins er ekki aðeins vegna ESB málsins. Það vita allir. Heldur vegna þess að undir forystu Bjarna hefur sjálfstæðisflokkurinn glatað þeirri reisn sem hann hafði í hugum stuðningsmanna í gegnum árin. Hann er ekki forystuflokkur eins og áður var. Hann er í varnarhlutverki fyrir stefnu framsóknarflokksins og oft á tíðum glórulausrar framgöngu hæfileikalítilla ráðherra hans.

Sjálfstæðisflokkurinn er nú í sinni dýpstu lægð.

Hinn almenni stuðningsmaður sjálfstæðisflokksins mun ekki sætta sig við til lengdar.

Bjarni hefur tapað. Hann er búinn að vera.

Bara spurning um tíma úr þessu.