Björn Valur Gíslason 17/05/2015

Ábyrgðarleysi Eyglóar

EyglóÍ verklagsreglum um kostnaðarmat lagafrumvarpa segir:

„Kostnaðarmat skal ávallt liggja fyrir þegar frumvarp er lagt fram í ríkisstjórn. Þegar umsögn fjármálaráðuneytisins berst fær sérfræðingur á skrifstofu fjármála og rekstrar afrit af henni.“

Einnig er í reglunum kveðið á um að meta verði áhrif lagafrumvarp á sveitarfélög og ef athugasemdir eru gerðar við lagafrumvarp skala gera breytingar á því.

Það er ekkert nýtt að lagafrumvörp tefjist í kostnaðarmati hjá fjármálaráðuneytinu á meðan verið er að vinna þau betur og meta áhrif þeirra. Ég man hins vegar ekki eftir því að mál hafi hreinlega stoppað í ráðuneytinu vegna þess vað illa þau eru illa unnin. Ég veit heldur ekki til þess að fagráðuneyti og fjármálaráðuneyti hefi ekki fundið lausn á málum og þau hafi farið í þann farveg sem húnsæðisfrumvörp Eyglóar Harðardóttur eru komin í.

Starfsfólk fjármálaráðuneytisins ber ábyrgð á því að frumvörp sé vel unnin að þessu leytinu til og standist skoðun. Ábyrgð þeirra er því mikil. Því fólki verður ekki mútað með orkustöngum.

Að sama skapi er það ótrúlega óábyrgt af hálfu ráðherra að hóta okkur því að fara fram með lagafrumvörp sem standast ekki skoðun.

Slík vinnubrögð eiga að heyra fortíðinni til.

Björn Valur Gíslason
Latest posts by Björn Valur Gíslason (see all)
Flokkun : Pistlar
0,860