Skylmingar Ragnheiðar Elínar

Það hefur ekki farið mikið fyrir Ragnheiði Elínu Árnadóttur eftir að hún varð ráðherra og það litla sem hún hefur gert hefur er hún nú að reyna að lagfæra og færa aftur til fyrra horfs.

Dæmi um það eru fjárveitingar til að ferðamannastaða sem voru verulega auknar á síðasta kjörtímabili. Það fyrsta sem Ragnheiður Elín gerði sem ráðherra ferðamála var að skera niður allar fjárveitingar til uppbyggingar ferðamannastaða, þ.m.t. Framkvæmdasjóðs ferðamannastaða.

Ríkisstjórn hægriflokkanna sló einnig af allar áætlanir um frekari fjármagn til ferðamála með því að stöðva framkvæmdaáætlun stjórnvalda um fjármögnun og uppbyggingu í þeim geira.

En nú er Ragnheiður Elín búin að átta sig á því að þetta voru allt rangar ákvarðanir. Ráðherrann hefur ákveðið að reyna að bæta úr skaðanum með því að óska eftir meiri peningum til uppbyggingar ferðamannastaða í sumar til að forða frekara tjóni.

Fréttastjóri viðskiptafrétta á 365 miðlum og samflokkskona Ragnheiðar Elínar segir snýr þessu hins vegar öllu á hvolf og segir að Ragnheiður Elín sé að snúa vörn í sókn enda hafi hún tekið við málaflokknum í óviðunandi stöðu vegna sinnuleysis forvera hennar!

Þetta er sami fréttastjóri og kvartaði undan því að verið væri að rannsaka Hrunið.

Staðreyndin er hins vegar sú er að skylmast við sjálfa sig og afleiðingar eigin ákvarðana. Ráðstafanir hennar núna eru lítið annað en taugaveiklunarleg skyndiviðbrögð við röngum ákvörðunum hennar sjálfar.

Hvað sem 365 miðlum finnst um það.