Rammaáætlun prófsteinn á orkufrekjuna?

Okkur líður best heima hjá okkur þar er ró og friður. Sama á við um hálendið þar sækir fólk í umhverfi þar sem ekki er mikið áreiti. Þar sem við getum farið um skoðað umhverfið og notið samveru við það. Ferðamennirnir sem leita til Íslands koma af fjölbýlissvæðum þar sem hver einasti fermetri er skipulagður. Sama hvar þú ert staddur blasa við einhver mannvirki og fjöldi fólks.

 

Hálendi okkar býður í dag upp á þann fágæta möguleika að þar er hægt að skipuleggja margra daga ferðalag um ósnortin víðerni. Á hálendi Skotlands eru margir þjóðgarðar. Árlega heimsækja Skotland um 4 millj. ferðamanna á ári hverju og margir sækja upp á hálendi þeirra. Gönguleiðir eru vel skipulagðar og vel markaðar. Sumar þeirra er hægt að tengja þær saman. Vinsælust er 150 km. gönguleið sem yfir 100 þús. manns fara árlega.

 

Við eigum okkar Laugaveg, hann er auðvelt að framlengja með Fimmvörðuháls sem hægt er tengja saman. Í dag er hægt að tengja þá leið við nýbyggðar gönguleiðir t.d. Hellismannaleið frá Landmannalaugum um Landmannahelli, Áfangagil að Rjúpnavöllum og í Skarfanes og enda í Leirubakka í Landsveit. Þessi leið býður upp á nánast óendalegan fjölbreytileika.

 

Sambærilegir möguleikar eru fyrir hendi víðar á hálendinu. T.d. frá Sveinstindi í Þórsmörk og nú er verið að skipuleggja gönguleið með öllum sunnanverðum Vatnajökulsþjóðgarði. Það er fróðlegt að fylgjast með. Leiðir eru opnar að hjarta landsins, hálendinu. Þær opna mönnum sýn inn á þessa dýrmætu lind.

 

Við höfum val; Láta hálendið ósnortin víðernin í friði eða reisa þar virkjanir og önnur mannvirki. Ef við veljum seinni kostinn verður ekki snúið tilbaka. Sálfræðilegar rannsóknir sýna fram á að mannskepnunni líður sífellt verr og notkun rítalín vex stöðugt. Náttúran hefur jákvæð áhrif á líðan okkar. Hreint loft og aukin hreyfing leiðir til aukinna velíðunnar.

 

75% erlendra ferðamanna koma einmitt hingað vegna náttúrunnar og fjórðungur þeirra fer einmitt upp á hálendið. Það unir sér þar þrátt fyrir lágt þjónustustig. Náttúran hefur ákaflega jákvæð áhrif á heilsu okkar og vellíðan, allar rannsóknir staðfesta það.

 

Vigdís Finnbogadóttir brá nýlega fyrir sig orðinu „orðaofbeldi“ þegar hún fjallaði um þau gífuryrði sem beitt er í umræðu á Íslandi. Guðmundur Andri Thorssonar notar orðið „orkufrekja“ þegar hann talar um vinnubrögð formanns atvinnuveganefndar og skoðanabræðra hans. Umræðuhefð okkar er bágborin rétt eins og Nóbelskáldið og lýsti á sínum tíma með því að okkur væri tamast að rífast um tittlingaskítinn en víkjast undan því að taka á alvörumálunum.

 

Náttúra landsins er okkar orkulind. Það er lifandi og endurnýjanleg okkar orka. Ósnortnir fossar og kyrrð öræfanna þangað sem við leitum. Stjórnarliðar segja að náttúran skili engu fyrr en hún sé virkjuð og tókust á um verðlagninguna. Umræðunni var skyndilega slitið og Alþingi sent heim. Það þurfti ekki að ræða orkumálin frekar.

 

Rammaáætlunina á að leysa upp með orðaofbeldi eða orkufrekju í seinni hálfleik. Formaður atvinnuveganefndar lofaði því að koma með látum inn í seinni hálfleik – eins og hann kallaði það. Hann náði varla að ljúka máli sínu að Sigmundur Davíð fór yfir í Ráðherrabústað og tók á móti Kínverjum í sjálfum ráðherrabústaðnum til þess að skrifa undir samning um nýtt álver. Var það tilviljun?? Þar með var Rammaáætlun er orðin prófsteinn á „orkufrekjuna“.

 

Enginn vissi hvaðan orkan átti að koma. Fyrir lágu loforð um orku í 4 kísilver og nokkur gagnaver auk álvers í Helguvík. Á sama tíma er rætt um sæstreng til Evrópu.