Álpast til forystu

Fyrir viku eyddi formaður framsóknarflokksins heilum sunnudagseftirmiðdegi í að ræða um skipulagsmál í Reykjavík og fór létt með það. Síðan skrifaði hann óumbeðinn langa lofrullu um sjálfan sig Morgunblaðið. Hann fór líka létt með það enda tamt að ljúga.

En hann getur ekki svarað því hvort hann er rasisti eins og leiðtogi flokksins í Reykjavík. Engin úr forystusveit flokksins, ráðherrar eða þingmenn geta gert það upp við sig hvort flokkurinn er mannvinsamlegur. En þau láta drýgindalega yfir vinskap sínum og flokksins við malbikið í Vatnsmýrinni og það á ýmsum tungumálum.

Formaður framsóknarflokksins og leiðtogi flokksins í Reykjavík eiga það sameiginlegt að hafa öðlast skjótan frama innan flokksins. Bæði álpuðust þau til forystu í kjölfar innanflokkskrísu og án nokkurs fyrirvara.

Metorðastiginn hjá framsóknarflokknum er líka mun styttri en í lífinu almennt og hentar því vel andlegum eftirbátum.