Það sem þú vissir ekki um biblíuna – vegna þess að fáir hafa lesið hana

Það er ekki fyrir hvern sem er að lesa sig í gegnum biblíuna, með öllum sínum ævintýrum, spádómum, kraftaverkum og heimstortímingarlýsingum. Þetta eru enda margar bækur og sumar torskildar.Biblíusögur

En þá kemur Herðubreið til aðstoðar – eða öllu heldur Þorgeir Tryggvason, sem hefur um allnokkurt skeið lesið, ritrýnt og útskýrt hinar fjölmörgu sögur sem birtast í bókinni góðu. Að sínum hætti.

Vissirðu til dæmis að frægasti texti Predikarans er kjarninn í lagi hljómsveitarinnar Byrds, Turn! Turn! Turn!? Eða eins og Bubbi Morthens söng síðar: Þið munið öll, þið munið öll deyja?

Vissirðu líka að Xerxes konungur lét tilvonandi brúði sína baða sig í olíu og smyrslum í heilt ár af því að hann þoldi ekki appelsínuhúð? Frá því segir í Esterarbók.

Og að metró-tepran Ónan vildi ekki sænga hjá eiginkonu látins bróður síns, en lét frekar þartilgerðan vökva fara til spillis? Guð drap hann fyrir vikið og þaðan er ónanismi til orðinn. Frá því segir í síðustu bók Mósesar.

Herðubreið – eða öllu heldur Þorgeir Tryggvason – mun yfir páskahátíðina halda áfram að útskýra fyrir okkur hinn kristna menningararf, sem er svo samofinn þjóðlífinu.

Erindi Þorgeirs er að finna í efnisflokknum Með annarra orðum.

Gleðilega páska.

1,790