Kæri hrægammur: Það er erfitt að vera ráðherra. Það skilur þá enginn

Hrægammarnir skilja ekki, að ef bónusar hjá bankastarfsmönnum mega ekki fara yfir 100% af launum þeirra þá eru þeir í höftum.

Þeir skilja heldur ekki hversu erfitt er að vera ráðherra á Íslandi.

„Sjáið t.d. eins og núna. Það skilur enginn hvað forsætisráðherrann segir. Hann segir að Íslandi gefist mikil tækifæri með hlýnandi loftslagi þegar ísinn í ystu höfum norðursins minnkar – hér getur orðið mjög lífvænlegt þó ýmis lönd sökkvi í sjó […].

Svo sagði forsætisráðherrann einu sinni að hægt væri að losa öll heimili landsins við fjárhagsáhyggjur. Hrægammarnir borga, sagði hann. Við, vitleysingarnir, áttuðum okkur ekkert á því að við sjálf erum hrægammarnir.

Við eigum að borga. Í einn stað með skattpeningum sem hefði mátt nota til að byggja nýjan Landspítala, hækka laun umönnunarstétta eða bara eitthvað sem hefði komið okkur öllum að notum og ekki síst þeim sem minnst hafa. Og svo í annan stað með séreignarsparnaðinum sem okkur var einu sinni talin trú um að ætti að vera aukabónus á efri árum.“

Þannig mælist Valgerði Bjarnadóttur m.a. í grein í Herðubreið, sem vakið hefur mikla athygli og lesa má hér.