trusted online casino malaysia
Ritstjóri Herðubreiðar 28/09/2014

Fyrrverandi ríkisskattstjóri: Það er ekki verkefni ráðherra að velja hvaða skattalagabrot eru rannsökuð og hver ekki

Bjarni BenediktssonEitt mikilvægasta efnisatriði skattalaga er að framkvæmd þeirra á að vera óháð pólitísku valdi. Ráðherra má ekki skipta sér af skattlagningu einstakra aðila eða hafa afskipti af skatteftirliti eða skattrannsóknum.

Þetta skrifar Indriði H. Þorláksson fyrrverandi ríkisskattstjóri í grein í Herðubreið.

Tilefnið er að fjármálaráðherra hefur nú til athugunar hvort skattyfirvöld skuli kaupa upplýsingar um undanskot hundruða Íslendinga frá skatti til þekktra skattaskjóla.

Skattrannsóknarstjóri ákvað að vísa þessari ákvörðun til fjármálaráðherra. Um það skrifar Indriði:

„Skattyfirvöld verða í þessu máli að taka ákvörðun um hvort hinna umræddu gagna verður aflað og með hvaða hætti. Fram hefur komið að þau telja þau geta haft mikla þýðingu fyrir skatteftirlit og skattframkvæmd. Að vísa þeirri ákvörðun til annarra rýrir traust á skattyfirvöldum og gefur tilefni til að draga sjálfstæði þeirra í efa.

Íslensk skattyfirvöld eru nú í sömu stöðu og skattyfirvöld  í Þýskalandi voru þegar þau keyptu upplýsingar um þýska skattborgara á árinu 2006. Það voru skattayfirvöld en ekki hin pólitísku stjórnvöld sem ákváðu kaupin. Efasemdum um lagalega heimildir skattyfirvalda til að nota þessi gögn við ákvöðrun skatta var rutt úr vegi með dómi þýska stjórnlagadómstólsins í nóvember 2010.“

Og ennfremur: „Það er ekki verkefni pólitískra yfirvalda að ákveða hvaða skattrannsóknir eru stundaðar og hverjar ekki.“

Grein Indriða er hér.

Flokkun : Efst á baugi
1,417