trusted online casino malaysia
Ritstjóri Herðubreiðar 12/09/2018

Vill að Bjarkey víki strax sem formaður þingflokks og taki sér hlé frá þingstörfum

Úlfar Þormóðsson rithöfundur og félagi í Vinstri grænum frá upphafi krefst þess að Bjarkey Olsen Gunnarsdóttir, þingflokksformaður flokksins, segi af sér embætti umsvifalaust og taki sér auk þess hlé frá þingstörfum fram yfir áramót.

Þetta kemur fram í grein sem Úlfar skrifar í Herðubreið.

Það eru einkum tvö mál, sem valda vantrausti Úlfars á þingmanninum. Annars vegar ummæli hennar um að greiðslur til hennar frá alþingi vegna húsnæðiskostnaðar dugi ekki fyrir afborgunum af íbúð sem hún keypti. Úlfar spyr meðal annars hvernig farið sé með greiðslurnar gagnvart skattayfirvöldum, enda eigi þær að ganga til greiðslu á húsaleigu en ekki til að „auka auðlegð“ þingmannsins.

Hins vegar vísar Úlfar til nýlegra ummæla Bjarkeyjar þess efnis, að vantraust á stjórnmálamönnum sé einkum fjölmiðlum að kenna.

Grein Úlfars í heild má lesa hér.

1,489