trusted online casino malaysia
Úlfar Þormóðsson 06/11/2018

Stam

Í morgun sat ég við glugga og horfði á Tugthúsið við Skólavörðustíginn og taldi 18 ferðamenn hlusta á fyrirlestur um þessa merku byggingu. Það var snjóþekja yfir húsinu gærkveldi og nótt. Nú var þakið autt. Og þurrt. Það var hins vegar stór pollur framan við “fangadyrnar”. Þakrennan yfir þeim hefur sigið fyrir veðrum. Það er komið gat á hana. Hún lekur. Húsið er farið að hrörna. Það  er að komast í niðurníðslu.

Þetta, framan sagt, ætlaði ég að skrifa í morgun. En gerði það ekki. Þess í stað hripaði á skussamiða: “Tugthúsið er háaldrað og farið að grotna; þakrennur svigna og leka. Eftir viðteknu Íslandslagi verður viðhaldi líklega ekki sinnt fyrr en komið er að því að endurreisa húsið.”

*

Jói Pé er nítján og Sigga Jóns verður tvítug milli jólanna. Þau eru í skóla, hafa ekki náð fullum þroska, og lítið gert í lífinu enn sem komið er annað en fylgja dagskrá eins og þeim er ætlað. Ennþá er ekki tilefni til þess að skrifa sögu þeirra.

Rétt fyrir klukkan þrjú í dag (06.11.´18) fékk fékk ég póst. Frá flokknum. Tvísendan sama póstinn, líkt og hann væri farinn að stama, flokkurinn. Það var verið að tilkynna mér að hann væri að verða tvítugur. Það er verið að skrifa sögu hans. Og það er hægt að gerast áskrifandi að henni, sögunni. Í skeytinu sagði:

Í boði er þrennskonar áskrift að afmælisbókinni á kostakjörum! Gulláskrift 15.000 krónur. Silfuráskrift 10.000 krónur. Bronsáskrift 5.000 krónur.

Það hljóp þverbiti í brjóstið á mér.

Það er löngu kominn tími til að taka til hendinni og koma í veg fyrir skemmdir á Tugthúsinu. Það er búið að ræða það í blöðum, útvarpi, sjónvarpi, nefnd, vinnuhópi og úti um götur, torg, tún og móa.

Og er ekki líka kominn tími til tengja og endurmeta þankagang hjá tvítugum stjórnmálaflokki sem skrifa bók um sjálfan sig og lokkar skjólstæðinga sína að til að kaupa hana óséða fyrir gull, silfur eða brons?

Latest posts by Úlfar Þormóðsson (see all)
Flokkun : Efst á baugi
1,215