Úlfar Þormóðsson 03/04/2019

Spurningar úr Litlu gráu hænunni

 

Hlustaði á þetta í strætisvagnaskýli nú í morgun:


A: Hvers vegna í fjandanum lét ríkisstjórnin Wow fara á hausinn? B: Gerði hún það? A: Já. B. Hvernig þá? A: Hún lét félagið ekki hafa það lítilræði sem á vantaði svo að það gæti haldið rekstrinum áfram. B: Á ríkisstjórn að láta einkafyrirtæki fá peninga þegar reksturinn gengur illa? B: Gaf hún ekki Icelandair 10 miljarða? B: Nú? Hvenær? A: Eða lánaði þeim á einhverjum lágmarksvöxtum. B. Var það ekki Landsbankinn sem gerði það? A: Er hann ekki í eigu ríkisins? B. Jú, en ríkisstjórnin stjórnar ekki útlánum bankans, heldurðu það? A: Hún ræður yfir honum, hún vildi bara ekki … B: Landsbankinn er viðskiptabanki Icelandair og er þá nokkuð óeðlilegt við það að hann láni þeim peninga gegn veði þegar þeir þurfa á þeim að halda? A: Nei, auðvitað ekki, en af hverju þá ekki Wow? B: Þeirra aðal viðskiptabanki var Arion, er það ekki? A: Jú, en … B: Átti Arion þá ekki að lána Wow þetta lítilræði sem þá vantaði? A: Það getur svo sem vel verið þó ég viti það ekki, en ríkisstjórnin hefði átt … B: Af hverju heldurðu að Arion hafi ekki gert það, lánað Wow lítilræðið? A: Þeim bar náttúrulega ekki… heyrði bíllinn er kominn. Við heyrumst.

Þetta er skrifað eftir minni, hálftíma eftir að samtalinu lauk. Ég tók þetta ekki upp. Ég myndaði það ekki. Ég kannaðist við þá sem töluðu. Þeir voru ódrukknir. Og ferðamenn báðir.

Úlfar Þormóðsson
Úlfar Þormóðsson

Latest posts by Úlfar Þormóðsson (see all)

Flokkun : Efst á baugi
0,458