Úlfar Þormóðsson 24/01/2019

Krísur siðferðis

Var að lesa ágæta grein eftir formann Eflingar, Sólveigu Önnu Jónsdóttur; Nokkur orð um leikreglur. Hún birtist á Kjarnanum. Í henni fjallar formaðurinn um siðferði og leikreglur samfélagsins. Þar segir m.a:

Þegar við látum eins og það sé sjálf­sagt mál að konur vinni langa og erf­iða daga en geti samt aldrei látið sig dreyma um efna­hags­legt öryggi, geti ekki látið enda ná sam­an, geti ekki leyst út lyf, þurfi að sætta sig til­veru sem er eins og synda í tjöru höfum við gengið til liðs við órétt­læt­ið. Því það er aug­ljóst að það er ein­fald­lega órétt­látt að ætl­ast til þess að við sem vinnum á útsölu­mark­aði íslensks atvinnu­lífs sam­þykkjum mögl­un­ar­laust að okkar yfir­gengi­lega lágu laun séu lyk­il­inn að stöð­ug­leika á Íslandi.

Við getum ekki sam­þykkt að áfram­hald­andi kúgun á okkur sé eina nið­ur­staðan í leikn­um. Ef að leik­regl­urnar eru svo gall­aðar eigum við ein­fald­lega ekki ann­ara kosta völ; við verðum að breyta leikn­um, regl­unum og nið­ur­stöð­unni. Og það ætlum við, verka- og lág­launa­kon­ur, að gera.”

Þegar ég las þetta minntist ég síðustu greinar sem Jónas Kristjánsson, ritstjóri birti á heimasíðu sinni, Jonas.is, fáum dögum fyrir andlát sitt. Ég stelst til að birta hana hér, án sérlegs leyfis, því mér þykir það við hæfi:

Mánaðarlegar lífskrísur

17/06/2018 — PUNKTAR

Í annað sinn á síðustu hef ég haft þá ánægju að rúlla sem viðskiptavinur gegnum bráðadeildir og líknardeildir Landspítalans. Þar er þröng á þingi, sjúklingar í ofsetnum herbergjum, á göngum og lagerum. Kringum þá stendur þyrping ættingja og koma þá oft ekki bara sjúkdómar við sögu. Kliðurinn berst til annarra hópa og frá einum hópi til annars. Heimsleikarnir eru fólki ofarlega í huga, brauð og leikir fátæka mannsins. Næst kemur lífsbarátta sumra ættingja. Fólk, sem skrapar á 250 þús kr strípuðum taxtalaunum, atvinnuleysisbótum, örorku, eða ellilaunum, er mánaðarlega í óviðráðanlegum lífskrísum. Í gær var það bílaverkstæðið. Þessu þarf að breyta með því að útrýma bófaflokknum og setja 500 þús kr lágmarkslaun.

Úlfar Þormóðsson
Úlfar Þormóðsson

Latest posts by Úlfar Þormóðsson (see all)

Flokkun : Efst á baugi
0,462