Úlfar Þormóðsson 02/08/2017

Hvaðan koma vondar hugmyndir?

Það er á hvers manns vitorði að rekstur Morgunblaðsins hefur gengið illa undangengin ár. Það er tap á rekstrinum svo nemur hundruðum miljóna. Af þessu tilefni fékk pistlahöfundur þetta sent í tölvupósti:

  • “Skrýtið að fjölmiðlar skuli ekki spyrja Þórólf Gíslason, kaupfélagsstjóra í Skagafirði, af hverju kaupfélagið sé hluthafi í Morgunblaðinu ? 
  • Er það e.t.v. arðsemin af þessari fjárfestingu, sem ræður för?  
  • Hefur maðurinn virkilega aldrei verið spurður umþetta ? Kaupfélagið er auðvitað ekki einkaeign Þórólfs Gíslasonar.”

Það er ekki að undra þó að spurt sé því vitað er að Kaupfélagi Skagfirðinga hefur vegnað betur en flestum fyrirtækjum landsins undangengna tvo áratugi eða svo.

En þetta leiðir hugann að öðru, náskyldu þó: Hvaðan koma vondar hugmyndir og hverjir eru talsmenn þeirra? Hér verða nefndar þrjár af fjölmörgum vondum hugdettum til að velta vöngum yfir í sumarblíðunni:

Hverjum datt í hug að lækka verð á dízelbílum á sama tíma og borgir Evrópu eru með áform um að banna notkun þeirra innan sinna múra vegna mengunar sem frá þeim kemur?

Hverjum flaug í hug að skattleggja alla umferð inn í og út úr Reykjavík?

Hverjum hugkvæmdist að það væri heillaráð að opna Reykjavíkurflugvöll fyrir millilandaflugi í stórauknum mæli?

Úlfar Þormóðsson
Úlfar Þormóðsson

Latest posts by Úlfar Þormóðsson (see all)

Flokkun : Pistlar
0,467