Úlfar Þormóðsson 08/06/2019

Hjálpið manninum!

Það er alkunna að stjórnmálaskríbentar bregði fyrir sig ýkjum og ósannindum þegar þeim þykir henta. Hitt er óvanalegt að ritstjóri Morgunblaðsins semji falsfrétt. Þetta gerðist þó í Reykjavíkurbréfi dagsins í dag, 08.06.2019. Þar stendur og er verið að segja frá 90 ára afmælishátíð Sjálfstæðisflokksins:

Fyrsti heiðursgestur flokksins var nýbúinn að lýsa því yfir að hún vildi að sett yrðu lög sem heimiluðu konum að ákveða að farga ófæddu barni sínu allt þar til komið væri að fæðingu þess eftir 9 mánaða meðgöngu. Það er enginn vafi á því að væru almennir sjálfstæðismenn spurðir um þessa draumsýn formanns VG …”

Hverjum sem les má vera ljóst hver höfundur þess er þótt hann þori ekki að koma fram undir nafni. Það má líka vera ljóst að viðkomandi vissi að hann fór með rangt mál þegar hann skrifaði þetta, falsaði það. Nema hann sé lasinn, maðurinn. Og þá þarf að hjálpa honum. Sem fyrst.

Úlfar Þormóðsson
Úlfar Þormóðsson

Latest posts by Úlfar Þormóðsson (see all)

Flokkun : Efst á baugi
0,450