trusted online casino malaysia
Úlfar Þormóðsson 02/11/2017

Hættið að skipta við Skeljung!

Bjargvættir mínir voru sviptir vinnunni. Græðgiskarl lagði til að fyrirtækið sem þeir unnu hjá fengi hagræðingarkast, sem varð til þess að 29 manns var sagt upp störfum. Að því búnu hirtu gróðapungarnir 200 miljóna hagnað úr sjóðum fyrirtækisins, hagnað sem bjargvættir mínir, bensín-dælu-karlarnir áttu sinn þátt í að skapa.

Bjargvættir unnu hjá Skeljungi í Öskjuhlíð. Verkakarlar sem dældu ekki bara bensíni á tankinn. Bjargvættirnir mældu frostlög í vatnkassanum, skiptu um ljósaperur, létu þvottalög út í ýringinn á rúðurnar svo að ég sæi út um þær í aurbleytu og þeir bentu mér á að blása lofti í dekkin þegar þörf var á.

En nú eru þeir ekki þarna og ég kann ekki að mæla magn frostlagar í vatni, ekki að blanda hreinsilegi í rúðusprautuna og naumlega að skipta um peru í fram- og afturljósum. Ég verð smám saman hættulegur í umferðinni, ljóslaus með óhreinar framrúður og jafnvel sprunginn vatnskassa. Og ekki bara ég, ekki bara ég.

Brallararnir belgjast út, Skeljungur græðir, skiptur um nafn og heitir núna Skeljungur hf/ Orkan.

Mig langar að segja þeim, gróðabröllurunum hjá Skeljungi, að skammast sín. En ég ætla ekki að gera það því að ég held að þeir kunni það ekki. Þess í stað ætla ég að biðja sem flesta að hætta að skipta við Skeljung, afsakið Skeljung hf/ Orkuna, þangað til að þeir fara aftur að veita okkur vankunnandi þjónustu og endurráða bjargvættina.

Latest posts by Úlfar Þormóðsson (see all)
Flokkun : Efst á baugi
1,346