trusted online casino malaysia
Úlfar Þormóðsson 05/05/2019

Flugviskubit

Það var umræða um flugviskubit í Silfrinu í morgun. Mér finnst orðið frábærlega vel hugsað. Það er fallegt. Og ágengt. Það hristi upp í mér og ég ákvað að skrifa um það, orðið, og brot af því sem í því felst.  

Á meðan ég var að hugsa minn gang opnaði ég tölvupóstinn. Þar var þessi auglýsing frá jetcost.com, komin þangað óumbeðið:

Flights from $39 Save Now

Auglýsingin var myndskreytt; lokkandi suðræn strandbyggð beið eftir hverjum sem vildi fyrir $39. Þarna var og frá því sagt að þetta væri ný tegund auglýsinga sem hægt væri að senda áfram til vina eða stjörnumerkja “til að vista hana í pósthólfinu þínu”!

Nú veit ég ekki hveru margir hafa fengið þessa sendingu en hún rifjaði það upp fyrir mér að til er fyrirbætið vildarpunktar. Þeir verða til með því að eiga kortaviðskipti við tiltekin fyrirtæki. Svo þegar þú vilt endilega fljúga eitthvað út í bláinn geturðu borgarð hluta af farmiðanum, eða miðann allan, með vildarpunktum ef þú hefur verið nógu duglegur að eyða peningum. Ef þú til dæmis dælir á bílinn þinn þrisvar í mánuði færðu þriðju dælingu ódýrar en þá fyrstu – og vildarpunkta að auki. Hver veit nema að þú gætir greitt fyrir $39 flugferð suður í heim ef þú ert nógu duglegur að aka um, leita að kauptilboðum og falla fyrir þeim.

Ég veit hins vegar ekki hvort það fást vildarpunktar fyrir að taka tilboði um að kaupa tvær skyrtur á verði einnar, jafnvel þó að þú þurfir hvoruga þeirra. En það væri í sjálfu sér tilvalið að reyna því ég þekki einn ágætan mann sem ferðast mikið um heiminn, greiðir hlut ferðanna með vildarpunktum, og fellur fyrir mörgum “tveir fyrir einn” tilboðum hvort sem hann þarf einn hlut eða engan. Ég þekki hann það vel að ég veit að hann yrði arfavitlaus ef stjórnvöld tækju á sig rögg og bönnuðu vildarpunkta, tveir fyrir einn tilboð og kæmu á flugkvóta því hann hefur aldrei, mér vitanlega, fengið kaupviskubit vegna þessa arna. Hvað þá flugviskubit. Það er þó sannarlega orðið löngu tímabært að æra hann og aðra eins.

Latest posts by Úlfar Þormóðsson (see all)
Flokkun : Efst á baugi
1,470