Björn Valur Gíslason 02/11/2015

Átta milljarðar í peningum

Samkomulag ríkisins við kröfuhafa í þrotabú föllnu bankanna kveður á um að búin leggi 379 milljarða króna í svokallað stöðugleikaframlag.Ríkisstjórn B og D

Samkvæmt samkomulaginu skiptist það svona:
1. Peningar 8 milljarðar
2. Íslandsbanki 185 milljarðar
3. Ýmsar eignir og kröfur 83 milljarðar
4. Hlutdeild í sölu á Arion banka 20 milljarðar
5. Skuldabréf með veði í Arion banka 84 milljarðar

Með öðrum orðum: Ríkið fær 8 milljarða í peningum, restin er greidd í alls konar góssi sem stjórnvöldum er falið að koma í verð.

Þetta er draumalausn fyrir málsaðila. Í fyrsta lagi losna kröfuhafar við eignir sem þeim hefur gengið illa að skipta yfir í peninga. Í öðru lagi fá stjórnvöld miklar eignir til ráðstöfunar sem hentar núverandi stjórnarflokkum afar vel. Í þriðja lagi gleðst stórfjölskylda stjórnarflokkanna enda veit hún sem er að framundan er gósentíð fyrir fjölskyldumeðlimi.

Til viðbótar er Alþingi ætlað að afgreiða lagafrumvarp um skattaafslætti fyrir kröfuhafa. Þeir sleppa hins vegar fljótt með eignir sínar úr höftum og það býsna glaðir með sinn hlut.

Almenningur og fyrirtæki sitja áfram í höftum.

Til hamingju með það!

Björn Valur Gíslason
Björn Valur Gíslason

Latest posts by Björn Valur Gíslason (see all)

Flokkun : Pistlar
0,407