Úlfar Þormóðsson 20/05/2017

Afréttari

Flutningsmenn frumvarps um brennivín í búðir fengu svo harkalegar móttökur við hugmyndum sínum að þeir hafa gjörbreytt því í nefnd á milli umræðna í þinginu. Reyndar er rétt að segja að þeir leggi fram nýtt frumvarp.

huge.0.2211

Samkvæmt þeim lýsingum, sem flutningsmennirnir hafa gefið á “breytta“ frumvarpinu, á ekki lengur að selja vín í matvörubúðum vítt og breitt um landið, heldur aðeins í sérverslunum.

Og takið eftir þessu; það er úr mbl.is:

„Áslaug Arna Sigurbjörnsdóttir, formaður allsherjar- og menntamálanefndar, segir að breytingarnar miði að því að einkaaðilum verði gert heimilt að selja vín í sérvöruverslunum en að ÁTVR haldi stöðu sinni, …  sagði Áslaug í samtali við mbl.is eftir fundinn í gær.“

Það er sjálfsagt skilgreint í greinargerð með „breytta“ frumvarpinu hvað orðið sérvöruverslun merkir í þessu tilliti; hvort það þýðir að sérverslanir á borð við gleraugnaverslanir, hanskabúðir og skartgripaverslanir megi selja bús, eða hvort það eigi að opna nýja búð, sérvöruverslun, sem selur ekkert annað en áfegni, eins og gert er nú þegar í hinum fjölmörgu útibúum ÁTVR.

Það er engu líkara en flutningsmennirnir hafi breytt frumvarpi sínu í fráhvörfum því þeim yfirsést að með breytingunum opinbera þeir það sem þeir hafa hingað til kappkostað að fela, þrætt fyrir að væri ástæðan fyrir því að frumvarpið er yfirleitt lagt fram, það að einstaklingar komi höndum yfir stöðugan og viðvarandi hagnað af áfengissölu í áhættulausum rekstri. En nú er tilgangurinn ljós. Það er þó til bóta.

Úlfar Þormóðsson
Úlfar Þormóðsson

Latest posts by Úlfar Þormóðsson (see all)

Flokkun : Efst á baugi
0,434